Ողջույն, ես Արփինե Պողոսյանն եմ. սիրով տեղեկացնեմ, որ ես եմ կյանք տվել այս նախագծին: ԱՌՈՂՋ ՆԱԽԱԳԻԾ գաղափարի ծննդյան իրական տարեթիվը 2008-ն է, քանի որ հենց այդ թվականին այս նախագիծը ստեղծելու մտքով ոգեշնչված որոշեցի մեկընդմիշտ փակել մինչ այդ իմ հեղինակած հաղորդաշարերի /ՆԵՆԱ, ԱՖԵԿՏ, ԿԼԻՊ ՄԵՆՅՈՒ, ՏԱՐՈՍԻԿ/ ժամանցային դուռն ու լրջորեն զբաղվել առողջապահական լրագրությամբ:

8 տարի շարունակ առողջապահական ոլորտի ակտիվ լուսաբանմամբ զբաղվելուց հետո /ԱՊՐԻՐ ԱՌՈՂՋ հաղորդաշար, ԲՈՒԺԿԵՏ առողջապահական էջ, բժշկական կենտրոնների և դեղագործական ընկերությունների մասին պատմող տեսաֆիլմեր/ սկսեցի նույն ակտիվությամբ զբաղվել երկար սպասված բալիկիս խնամքով` մասնագիտական փորձս համեմելով մամայական օգտակար հմտություններով: Իսկ 2017 թվականի հոկտեմբերին որոշեցի վերջապես սկսել տարիներ շարունակ մտքումս ապրող ԱՌՈՂՋ ՆԱԽԱԳԻԾ գաղափարին մարմին տալու գործընթացը:

ԱՌՈՂՋ ՆԱԽԱԳԾԻ համահեղինակն առողջապահական հաջողված նախագծերի ռեժիսոր և պրոդյուսեր, ինչպես նաև իմ սիրելի ամուսին Զավեն Վարդանյանն է: Մեր նախագծին միացել են հեղինակավոր բժիշկներ և առողջության պահպանումը կարևորող տարբեր մասնագիտությունների տեր մարդիկ:

Մենք գիտենք, որ առողջության պահպանումը բարդ և շարունակական գործընթաց է և պատրաստ ենք այդ ուղին սիրով անցնել յուրաքանչյուրիդ հետ` օգնելով Ձեզ հոգ տանել Ձեր և Ձեր մտերիմների առողջության մասին:

Մենք գործակցում ենք առաջատար բժշկական կենտրոնների և լավագույն բժիշկների հետ, մենք ապահովում ենք ճշտված ու գրագետ տեղակատվություն: Հպարտությամբ նշեմ, որ այս ընթացքում ԱՌՈՂՋ ՆԱԽԱԳԻԾԸ հասցրել է ընդունվել և սիրվել մեր լսարանի կողմից. մեզ դիտում են, մեզ հարցնում են, մեզ վստահում են!!!

Գրեք կամ զանգահարեք, եթե ուզում եք ընկերանալ կամ գործընկերանալ:) մեզ հետ ԱՌՈՂՋ ՆԱԽԱԳԾԻ շրջանակներում, իսկ նախագծի շրջանակներից դուրս կարող եք օգտվել մեր ընկերության կողմից առաջարկվող ծառայություններից:

Մենք առաջարկում ենք

1.Նկարահանում և Մոնտաժ

Առողջապահական տեսաֆիլմերի, գովազդային հոլովակների, թեմատիկ տեսանյութերի, հարցազրույցների նկարահանում և մոնտաժ

2.Միջոցառումների Կազմակերպում

Առողջության պահպանմանն ուղղված դասընթացների, հանդիպում-քննարկումների կազմակերպում և նկարահանում

3.Սոց, մեդիա ռազմավարության մշակում

Առողջապահության ոլորտում գործող ընկերությունների սոց, մեդիա ռազմավարության մշակում և բովանդակության ստեղծում

Միացեք Առողջ նախագծին. մենք կօգնենք Ձեզ առավել արդյունավետ կազմակերպել Ձեր առողջության պահպանման կարևոր և շարունակական գործընթացը: