Top

Աչքերի Հոգնածություն

Աչքերի հոգնածություն առաջանում է տևական տեսողական աշխատանքի արդյունքում և ծանոթ է բոլոր նրանց, ովքեր գոնե մեկ անգամ ողջ օրն անցկացրել են համակրգչի առջև նստած, գիշերով մի քանի ժամ շարունակ մեքենա են վարել, առանց ընդմիջման գիրք են կարդացել կամ առանց հանգստանալու զբաղվել են տեսողական լարվածություն պահանջող որևէ այլ գործով: Աչքերի հոգնածություն ասվածն ուղեկցվում է աչքերի չորությամբ, դիսկոմֆորտով, տեսողության վատացմամբ, առաջացնում է գլխացավ, երկտեսություն, վախ լույսից և մի շարք այլ զգացողություններ: Աչքերի հոգնածությունը հիմնականում անցնում է տեսողական աշխատանքի ավարտից մի քանի րոպե հետո, սակայն ուժեղ հոգնածության դեպքում տհաճ զգացողությունները կարող են պահպանվել անգամ մի քանի ժամ: Տեքստի ընթերցումն, ուժեղ լույսն ու աչքերի քիչ թարթումն այն հիմնական գործոններն են, որոնք հանգեցնում են աչքերի հոգնածությանը: Գոյություն ունեն նաև գործոններ, որոնք արագացնում և խորացնում են այս երևույթը: Դրանք են.

  1. Վատ լուսավորություն
  2. Կոնտրաստային լուսավորություն
  3. Քամի
  4. Մանր տառաչափ
  5. Անհարմար աշխատանքային պայմաններ
  6. Ընթերցում երթևեկության ընթացքում
Աչքերի հոգնածության հաղթահարման միակ տարբերակը ժամանակավորապես տեսողական աշխատանքի ընդհատումն է: Մարդիկ, ովքեր գործի բերմամբ ստիպված են ողջ օրվա ընթացքում լարել տեսողությունը, մշտապես փնտրում են միջոցներ, որպեսզի կարողանան արագ և անվտանգ կերպով ձերբազատվել աչքերի հոգնածությունից: Որպես կանոն նրանք հաճախ դիմում են հանգստացնող կաթիլների օգնությանը: Այդ կաթիլների միջոցով մենք փորձում ենք վերացնել դիսկոմֆորտի զգացումը, բարձրացնել տեսողական աշխատանքի արդյունավետությունը, կանխարգելել տեսողական լարվածության հետևանքով առաջ եկող մի շարք հիվանդություններ, արագ ազատվել աչքերի չորությունից ու ցավից: Բայց, ցավոք, այդ կաթիլների միջոցով ստացվում է լուծել միայն աչքերի չորությունից ազատվելու հարցը: Իսկ աչքերի հոգնածության կանխարգելման արդյունավետ մեթոդները շարունակում են մնալ.
  1. Պաշտպանիչ ակնոցների կիրառումը
  2. Աշխատանքային օրվա ընթացքում 20 րոպեն մեկ 20 վայրկյանանոց տեսողական վարժանքները
  3. Անջատված լույսի պայմաններում 5-10 րոպե տևողությամբ փակ աչքերով հանգիստը
  4. Աչքերին դրվող սառը թրջոցները /ոչ սառույց/
  5. Լիարժեք քունը
Պահպանենք մեր աչքերի լույսը, որպեսզի երջանկությունը մեր հայացքում իրեն հարմարավետ զգա:    

Share

Subscribe for the Latest Updates

Loading