Top

Հետծննդաբերական դեպրեսիա

Հետծննդաբերական դեպրեսիա - այն դեպրեսիայի մի տեսակ է, որն ի հայտ է գալիս ծննդաբերությունից հետո 1,5 ամսվա ընթացքում և տևում է մինչև մի քանի շաբաթ: Վիճակագրության համաձայն հանդիպում է նոր ծննդաբերած յուրաքանչյուր 10-րդ կնոջ մոտ: Շատերը գտնում են, որ այս երևույթի առաջացման հիմնական պատճառները երեխայի խնամքի հետ կապված պարտավորություններ են և կնոջ կենսակերպի կտրուկ փոփոխությունը: Հարկ է նշել սակայն, որ հետծննդաբերական դեպրեսիայի իրական պատճառները դեռևս ամբողջությամբ պարզված չեն: Հայտնի են միայն ռիսկի գործոններ, որոնք կարող են հանգեցնել այս երևույթի առաջացմանը: Դրանք են.

  • Ամուսնու և ծնողների կողմից ոչ բավարար աջակցություն
  • Տագնապ և լարվածություն հղիության ընթացքում
  • Նախկինում ունեցած վիժումներ կան մահացած պտուղ
  • Ցածր վճարողունակություն
  • Նորածնի առողջական խնդիրներ
  • Ամուսնու բացակայություն
  • Ցածր ինքնագնահատական
  • Չպլանավորած հղիության արդյունում ծնված երեխա
Հետծննդաբերական դեպրեսիայի առաջացման հարցում որոշիչ դեր ունի նաև կնոջ հորմոնալ ֆոնը. ապացուցված է, որ այն կանայք, ում արյան մեջ օկսիտոցինը ցածր է, իսկ պրոլակտինը՝ բարձր, առավել հաճախ են բախվում այս խնդրին: Հետծննդաբերական դեպրեսիա ասվածն ուղեկցվում է հետևյալ զգացողություններով.
  • Տրամադրության հաճախակի անկում
  • Մեղքի զգացում
  • Ապագայի հանդեպ անհավատություն
  • Ուրախություն զգալու անկարողություն
  • Քնի խանգարում
  • Միայնության զգացում
  • Աշխատունակության իջեցում
  • Մտավոր և ֆիզիկական ակտիվության թուլացում
  • Սեռական ցանկության նվազում
Հետծննդաբերական դեպրեսիան հիմնականում անցնում է առանց լուրջ հետևանքների, և նույնիսկ, առանց դեղորայքային բուժման, բայց դա չի նշանակում, որ նման երևույթը պետք է անտեսել, քանի որ որոշ դեպքերում այն կարող է բարդանալ՝ վտանգավոր դառնալով ինչպես կնոջ, այնպես էլ երեխայի համար: Հնարավոր վտանգներն են.
  • Հետծննդյան շրջանի փսիխոզ
  • Երեխային խնամելու ցանկության բացակայություն
  • Երեխային վնասելու ցանկություն
Նման դեպքերում նեղ մասնագետի հսկողությունն ու դեղորայքային միջամտությունն անհրաժեշտություն են: Իսկ առհասարակ, հետծննդաբերական դեպրեսիայի հաղթահարման համար պարզապես անհրաժեշտ է.
  • Ֆիզիկական ակտիվություն
  • Ակտիվ շփում երիտասարդ մայրիկների հետ
  • Բուժաշխատողների մշտական աջակցություն
  • Հոգեբանի խորհրդատվություն
  • Մաքուր օդում զբոսանքներ
  • Հումորային ֆիլմերի դիտում
  • Դրական հեռախոսազանգեր
  • Մերսում
  • Յոգա
  • Մոտիվացիոն գրականություն
  • Սիրող ու հոգատար ամուսին, ով կօգնի կնոջը հնարավորինս արագ հարմարվել նոր կարգավիճակին և վայելել մայրության բերկրանքը:
 

Share

Subscribe for the Latest Updates

Loading