Վիտամին D

Վիտամին D ՉԻ սինթեզվում, երբ տեղի է ունենում ուլտրամանուշակագույն ճառագայթների կլանում ՝

•  Հագուստի կողմից
•  Ապակու միջոցով
•  SPF պաշտպանությամբ քսուքներ օգտագործելու դեպքում (հատկապես եթե SPF 15 ից բարձր է)

Վերջին տարիներին ակտիվ պայքար սկսվեց ուլտրամանուշակագույն ճառագայթների դեմ, քանի որ դրանք մաշկի վրա ունեն ծերացնող և քաղցկեղածին էֆեկտ և տարածում ստացան արևապաշտպան քսուքները, որն է՛լ ավելի դժվարեցրեց մաշկի կողմից այս վիտամինի սինթեզը։ Ի՞նչպես այդ դեպքում սինթեզել վիտամին D ՝ չվնասելով առողջությանը։

•  Արևի տակ մնալ սիստեմատիկ, առավոտյան մինչև ժամը 11:00, առավելագույնը 20 րոպե տևողությամբ
•  Լինել արևի տակ մաշկի բաց մակերեսով՝ (ձեռքեր,ոտքեր)

✔️ Այնուամենայնիվ, եթե ունեք այս վիտամինի հաստատված  ցածր մակարդակ, ապա միայն արևային լոգանքները չեն օգնի և համապատասխան պրեպարատների ընդունումն անխուսափելի է։ Պրեպարատի տեսակը, դոզան և բուժման տևողությունը որոշվում է բժշկի կողմից՝ կախված վիտամին D -ի նախնական ցուցանիշից և պացիենտի օրգանիզմի առանձնահատկություններից։ Նյութի հեղինակ՝  բժիշկ-էնդոկրինոլոգ Համեստ Աղաբաբյան